பல்விதமான படையெடுப்புக்களால் தமிழகம் இழந்த சொத்துக்கள் கணக்கிலடங்கா. இசைத் தமிழ் அவற்றுள் முக்கியமானது. எளிய மக்களின் அன்றாட வாழ்வில் பிறந்த இசை, விற்பன்னர்களின் நற்பணிகளால் செழுமையுற்றுப் புகழடைந்து பரந்திருந்தது. ஔவை ஒரு நல்ல பாணர் என்று இன்குலாப்பின் ஔவை நாடகம் உணர்த்தும். தமிழிசையின் மிக நீண்ட மரபு காலப்போக்கில் விளிம்புக்குத் தள்ளப்பட்டும், பெயர் மாற்றங்களுக்குட்படுத்தப்பட்டும் இன்று ஒரு இரண்டாந்தர இசையென்ற நிலைக்கும், திரையிசை என்ற வடிவுக்குள்ளும் குறுக்கப்பட்டிருக்கிறது.

"குடும்ப உறவைப் பலப்படுத்துதல்" தொடரின் 9வது பாடம் டி.எம்.ஐ இணையத் தளத்தில் வலையேற்றப்பட்டுள்ளது. பிரச்சினைகளைத் தீர்ப்பது எப்படி என்பது குறித்துக் குழந்தைகளுக்குக் கற்றுத் தரும் ஒரு பாடம் இது. குழந்தைகள் எதிர்கொள்ளும் பிரச்சினைகளையும் அவற்றைச் சமாளிக்கும் விதங்களையும் அவர்கள் அறிந்துகொள்ள இதனைத் தரவிறக்கிக் கொள்ளவும்.
பதிவர்களைத் தவிர பிரான்சிலிருந்து ஒரு விருந்தினரின் கடிதமொன்றும் இவ்வாரம் வெளியாகிறது. ரஞ்சித்தின் "ஒரு மன்னிப்புக் கடிதம்" பல்வேறு வினாக்களை நம்முன் வைக்கிறது. இதனைப் பகிர்ந்துகொண்ட ரஞ்சித்துக்கும், இவ்வாரப் பூங்காவுக்கு ஆக்கமளித்த அனைத்துப் பதிவர்களுக்கும் பூங்கா தன் நன்றியைத் தெரிவிக்கிறது.