போட்டிச் சந்தை எப்படி இருக்கும்?

• எண்ணற்ற விற்பனையாளர்கள் இருப்பதால் ஒவ்வொருவரும் தனது செலவுகளைக் குறைத்துக் கொண்டு எவ்வளவு முடியுமோ அவ்வளவு உற்பத்தி செய்வார்கள்.
  
  
• ஒரு விற்பனையாளரின் உற்பத்தி கூடுவதாலோ குறைவதாலோ அவரைப் பொறுத்த வரை சந்தையின் தேவை மாறி விடப் போவதில்லை.
  
  
• இப்படி எல்லோருமே அதிகம் உற்பத்தி செய்தால் விலை சரிந்து விடும் என்பது இருந்தாலும் அதைப் பற்றிக் கவலைப்படும் நிலையோ அதைப் புரிந்து கொள்ளும் திறனோ யாருக்கும் இருக்காது.
  
  
• அதனால் தன்னிடம் இருக்கும் வளங்களைப் பயன்படுத்தி எவ்வளவு முடியுமோ அவ்வளவையும் உற்பத்தி செய்து சந்தைக்குக் கொண்டு வருவதுதான் விற்பனையாளருக்கு இருக்கும் ஒரே ஆதாயம் அதிகரிக்கும் வழி.
  
  
• ஒவ்வொரு அலகு அதிக விற்பனையும் சந்தை விலையை ஈட்ட முடிவதால், அதை உற்பத்தி செய்ய ஆகும் செலவு விலையை விடக் குறைவாக இருக்கும் வரை உற்பத்தியை அதிகரித்துக் கொண்டே போகலாம்.
  
  
• சந்தை விலையும் கடைசி அலகின் உற்பத்திச் செலவும் சமமாக இருக்கும் நிலையில்தான் ஒவ்வொரு விற்பனையாளரின் உற்பத்தியும் அமையும்.
  

• உற்பத்தி அளவைப் பொறுத்து மாறாத செலவுகள் முழுமையாக ஈடு கட்டப்படா விட்டாலும் ஒரு விற்பனையாளர் தொடர்ந்து தொழில் செய்யலாம். மாறாச் செலவுகளில் ஒரு பகுதியாவது தேறினால் இழப்பில் கூட விற்பனை நடக்கும். இது உடனடிக் காலத்தில்.
  
  
• இப்படியே பல நாட்கள் போனால் மாறாச் செலவுகளையும் குறைக்க முயற்சிகள் செய்து விற்பனையை நிறுத்தி விடுவார்.
  

http://masivakumar.blogspot.com/2006/09/economics-20.html